¿Pescará la mainada?

Patues.(COLABORACION DE GERMAN)

Resulta que papa mos llebaba a pesca cuanyo yeran chicots a las basas que yeba desde el puen de la UCISA hasta mes talto de la borda de Arnaldet,al puen de la reboixa. Mes talto yera un poco mes peligroso y anaban molto els de Sahunc. Papa pescaba a mosquito y nusaltros a cucharilla, apreneban a fe nudos,a puncha bell llombrigo y algun saltic.

Cuan mos ben fe un poco mes grans ya mos ba lleba a Batisielles.!! Oi moset!!; aso ya ye cosa de mosos. Mos llebantaban a las cuatre u a las sinc del maitino y mama mos feba un vaso de llet que pasaba coma un llampit.Mos posaba la brena y luego anaban hasta els barracons del puen de neu.Alli dixaban el auto. Ara biene lo “jodido”. Asta la ermita de Santa Ana sin para y desde alli asta el desbarre de Estos; feban parada y de otro tiron asta els ibons chicos de Batisielles. Buena hora en t´almorsa y pesca una estoneta ta descansamos.

Sin perde molto temps enfilam tal ibon dalto y en un poco de suerte y sin fe ruido podem bere els ixarsos abeuranse antes de que sallga el sol.

La cuquera de la caña mos fa da la vuelta al ibon, en cucharilla, en mosquito, en llombrics, en saltics….a begadas pescaban y a begadas no sacaban nada en tot el dia.

Alla a las sinc mon tornaban ta casa, cuan arribaban estaban estricallaus pero eban pasau un buen dia.

Cuan ya mos ben fe mosos y mos ben casa , papa mos ie ba lleba a la mia dona y a yo dos u tres begadas y yera tot igual que cuan yera chicot,dan la misma ilusion,y no te conto nada si en sacaban alguna . La saguera begada que i ben ana mos ba acompaña una amiga de Tenerife. Se mos ba posa a neba y men acordo que ben almorsa a la cabana de Batisielles en un grupo del Montañeros de Barbastro.

Ara yo tiengo una filla de nou ans y ya fa tres ans que un dimenche al mes,ta primabera y berano, anam a pesca dan la Asociación de caza y pesca de Barbastro al coto del Grado. Fem una reunion que se diu “Papa llévame a pescar”.Les enseñam a fe el nudo de la cucharilla, a posa un llombrigo u algun saltic al ansuelo......

Me biene a la cabesa cuan yo yera chicot y papa me enseñaba a fe nudos, a tira la cucharilla entre las corrientes y las primeras botas que me ba dona,unas biejas que seban foradau y que les eban posau un parche de bicicleta ta que no i entrase l´aigua.

Me faria molto goy enseñale a la mia filla y a la mia dona a pesca, a estamos una estona sentaus brenan y disfrutan del rio….

Pero mira tu que boy l´altro dia a la Asociación de pesca y me disen que engüan a salliu una lei que no mos dixan repobla dan truitas de istas del Grado al rio.

¡¡AI TE JODO!!!! !!!REDIOS!!!!!! ¿Pero que pasa asi???. No penso yo que fagam brenca mal a digu per ana una estona en la mainada al rio ta que esten una estona menos deban de la tele y que disfruten al aire libre , que tan sano disen que ye.

Ara les preguntaria als qu´an feto la ley que les digo yo a Covadonga,Inés,Javier,Pablo,Jose Luis,Victor y a tots els amigos que pensaban binrre engüan a pasa un dimenche sin fe mal a digu...

Moltas grasias y que els rios esten bibos y no muertos......

Perdón por las faltas de ortografía.